ആദ്യത്തെ ഇലക്‌ട്രോണിക് ട്രാഫിക് സിഗ്നല്‍ ലൈറ്റുകള്‍ നിരത്തുകളില്‍ മിന്നിത്തിളങ്ങാന്‍ തുടങ്ങിയിട്ട് 101 വര്‍ഷം. സിഗ്നല്‍ സംവിധാനത്തിന്റെ 101ാം വാര്‍ഷികം ഡൂഡില്‍ ഒരുക്കിയാണ് ഗൂഗിള്‍ ആഘോഷിച്ചിരിക്കുന്നത്. അനിമേഷന്‍ രീതിയിലുള്ള ഡൂഡില്‍ വളരെ രസകരമായിട്ടാണ് ഡിസൈന്‍ ചെയ്തിരിക്കുന്നത്. ഗൂഗിള്‍ എന്നെഴുതിയ അക്ഷരങ്ങള്‍ പതിച്ച കാറുകളാണ് ഡൂഡിലിലുള്ളത്. 1912 ന് ഉത്താഹ് സാള്‍ട്ട് ലേക്കിലുള്ള ഒരു പൊലീസുകാരനാണ് ആദ്യത്തെ ഇലക്‌ട്രിക് ട്രാഫിക് ലൈറ്റ് വികസിപ്പിച്ചെടുക്കുന്നത്. പച്ചയും ചുവപ്പുമായിരുന്നു പൊലീസുകാരന്‍ വികസിപ്പിച്ച ബള്‍ബുകളുടെയും നിറം. തുടര്‍ന്ന് 1914 ആഗസ്ത് 5ന് അമേരിക്കന്‍ ട്രാഫിക് സിഗ്നല്‍ കമ്ബനി ഒഹിയോയിലുള്ള ക്ലീവാലാന്‍ഡിലെ യുക്ലീഡ് അവന്യൂവിലാണ് ആദ്യത്തെ ഇലക്‌ട്രോണിക് ട്രാഫിക് സിഗ്നല്‍ ലൈറ്റുകള്‍ സ്ഥാപിച്ചത്.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ