ദുബൈ ഷോപ്പിങ് മേളക്ക് തിരശ്ശീല

 

ദുബൈ: നഗരത്തെ ഒരു മാസക്കാലം ആഘോഷത്തിന്‍െറയും വ്യാപാരത്തിന്‍െറയും ലോക തലസ്ഥാനമാക്കി മാറ്റിയ ദുബൈ ഷോപ്പിങ് ഫെസ്റ്റിവല്‍ ഇനി ഒരു ദിനംകൂടി മാത്രം. ജനുവരി ഒന്നിന് തുടങ്ങിയ 20ാമത് ഡി.എസ്.എഫ് 32 ദിവസത്തെ മാമാങ്കമൊരുക്കി നാളെ വിടപറയുകയാണ്. അവസാനദിനങ്ങളില്‍ ആവേശം പാരമ്യത്തിലത്തെിച്ചാണ് ഡി.എസ്.എഫ് മുന്നേറുന്നത്. ദുബൈ അന്താരാഷ്ട്ര പട്ടം പറത്തല്‍ മേളയാണ് ഡി.എസ്.എഫിന് അവസാന ദിവസങ്ങളില്‍ പൊലിമ ചാര്‍ത്തുന്നത്. ജുമൈറ ബീച്ച്‌ മൂന്നിലെ ആകാശത്തെ വര്‍ണത്തിലും വൈവിധ്യത്തിലും കുളിപ്പിച്ച്‌ വ്യാഴാഴ്ച തുടങ്ങിയ പട്ടം പറത്തല്‍ ഇന്ന് സമാപിക്കും. പല വിധ വര്‍ണങ്ങളിലും രൂപത്തിലും ആകാശത്ത് പറക്കുന്ന പട്ടങ്ങള്‍ നമ്മുടെ പട്ട സങ്കല്പങ്ങളെ കീഴ്മേല്‍ മറിക്കുന്നതാണ്. റിമോട്ട് കണ്‍ട്രോളില്‍ പ്രവര്‍ത്തിക്കുന്നവയും വെളിച്ചം പരത്തുന്നവയുമെല്ലാമായി നാനാതരം പട്ടങ്ങളാണ് ആകാശത്ത് കാണാനാവുക. ആകാശത്തെ ചലിക്കുന്ന കവിത കാണാന്‍ സണ്‍സെറ്റ് മാളിന് പിറകിലെ തീരത്തേക്ക് വലിയ തോതിലാണ് ജനക്കൂട്ടമത്തെുന്നത്. പരമാവധി ഉല്ലാസം പകരാനായി രാവും പകലും കലാപരിപാടികളും ലേസര്‍ ഷോയുമെല്ലാം അരങ്ങേറുന്നുണ്ട്. അവസാന ദിവസമായ ശനിയാഴ്ച 15,000ത്തിലേറെ പേര്‍ ഒരേസമയം 15 ഇടത്ത് നിന്ന് പട്ടം പറത്തി ഗിന്നസ് ബുക്ക് റെക്കോഡ് ശ്രമം നടത്തുന്ന കാഴ്ചയായിരിക്കും മുഖ്യ ആകര്‍ഷണം. 25 രാജ്യങ്ങളില്‍ നിന്നു 70 ലേറെ അന്താരാഷ്ട്ര പ്രശസ്തരായ പട്ടം പറത്തലുകാര്‍ മേളയില്‍ അണിനിരക്കുന്നുണ്ട്. ഗ്ളോബല്‍ വില്ളേജാണ് ഡി.എസ്.എഫ് തിരക്ക് ദൃശ്യമാകുന്ന മറ്റൊരു പ്രധാന ഇടം. 70 രാജ്യങ്ങളില്‍ നിന്നുള്ള 3500 ലേറെ കച്ചവടകേന്ദ്രങ്ങള്‍ പ്രവര്‍ത്തിക്കുന്ന ആഗോള ഗ്രാമത്തില്‍ കുറെ ദിവസങ്ങളായി വലിയ തിരക്കാണ് അനുഭവപ്പെടുന്നത്. വിവിധ കലാ-സാംസ്കാരിക-ഉല്ലാസ പരിപാടികളും വര്‍ണക്കാഴ്ചകളും മേളക്ക് പൊലിമ പകരുന്നു. ആധുനികതയും പരമ്ബരാഗത ശൈലിയും സമന്വയിക്കുന്ന ഇവിടെ രണ്ടിന്‍െറയും കാഴ്ചകളും രുചിയും മണവും അനുഭവിക്കാം. സാധാരണ ദിവസങ്ങളില്‍ വൈകുന്നേരം നാലുമുതല്‍ ഒരു മണിവരെയും വാരാന്ത്യത്തില്‍ രാത്രി രണ്ടു വരെയുമാണ് ഡി.എസ്.എഫ് കാലയളവില്‍ ഗ്ളോബല്‍ വില്ളേജ് പ്രവര്‍ത്തിക്കുന്നത്. ഡി.എസ്.എഫിനോടനുബന്ധിച്ചുള്ള സന്ദര്‍ശകത്തിരക്ക് നഗരത്തിലെ എല്ലാ മാളുകളിലും ദൃശ്യമാണ്. രാവും പകലും ജനബാഹുല്യത്താല്‍ വീര്‍പ്പുമുട്ടുകയാണ് മാളുകളും കച്ചവട കേന്ദ്രങ്ങളും. ഈ ഡി.എസ്.എഫ് കാലയളവില്‍ എമിറേറ്റ്സ് എയര്‍ലൈന്‍ യാത്രക്കാരുടെ എണ്ണത്തില്‍ 12 ശതമാനം വര്‍ധനവുണ്ടായതായാണ് കണക്ക്. തിരക്ക് നേരിടാന്‍ സൗദി അറേബ്യ, കുവൈത്ത് തുടങ്ങിയ കേന്ദ്രങ്ങളില്‍ നിന്ന് അധിക വിമാനങ്ങള്‍ സര്‍വീസ് നടത്തിയതായി കമേഴ്സ്യല്‍ ഓപ്പറേഷന്‍സ് വൈസ് പ്രസിഡന്‍റ് ശൈഖ് മാജിദ് അല്‍ മുവല്ല പറഞ്ഞു. മുംബൈ,കുവൈത്ത്, കറാച്ചി, ലണ്ടന്‍,ഡല്‍ഹി,ദോഹ,കയ്റോ,ബെയ്റൂത്ത്, മസ്ക്കത്ത്,മനില,പാരീസ്, റിയാദ്,ജിദ്ദ, ഫ്രാങ്ക്ഫര്‍ട്ട്,മ്യൂണിക്ക് എന്നിവിടങ്ങളില്‍ നിന്നാണ് കൂടുതല്‍ പേര്‍ ഇത്തവണ ഡി.എസ്.എഫിനത്തെയതെന്ന് അദ്ദേഹം പറഞ്ഞു. ആകെ യാത്രക്കാരില്‍ പകുതിയും ഇവിടങ്ങളില്‍ നിന്നായിരുന്നു.

മഞ്ജു വാര്യരും ദിലീപും വിവാഹമോചിതരായി

 

 കൊച്ചി: പ്രമുഖ ചലച്ചിത്ര താരങ്ങളായ മഞ്ജുവാര്യരും ദീലീപും വിവാഹമോചിതരായി. ഇരുവരും സംയുക്തമായി നല്‍കിയ വിവാഹമോചന ഹരജി എറാണകുളം കുടുംബകോടതി അംഗീകരിച്ചു. വ്യാഴാഴ്ചയാണ് കേസിന്‍്റെ നടപടി ക്രമങ്ങള്‍ പൂര്‍ത്തിയായത്. കൗണ്‍സിലിങിനു ശേഷം ഒത്തുതീര്‍പ്പിന് കോടതി നല്‍കിയ കാലാവധി അവസാനിച്ചതിനെ തുടര്‍ന്ന് ഇരുവരും വ്യാഴാഴ്ച കുടുംബകോടതി ജഡ്ജി പി മോഹന്‍ദാസിനു മുന്നില്‍ ഹാജരായിരുന്നു. ശനിയാഴ്ച വിധി പ്രഖ്യാപനമുണ്ടാകുമെന്ന് കോടതി അറിയിച്ചിരുന്നു. ഒരുമിച്ച്‌ പോകാന്‍ കഴിയില്ളെന്ന്‌ഇരുവരും വ്യക്തമാക്കിയിരുന്നു. ഇതോടെ സാങ്കേതിക നടപടി ക്രമങ്ങള്‍ പൂര്‍ത്തിയായിരുന്നു. അതിനാല്‍ ഇരുവരും ഇന്ന് കോടതിയില്‍ ഹാജരായിരുന്നില്ല. അഭിഭാഷകര്‍ മുഖേനയാണ് മറ്റു നടപടികള്‍ പൂര്‍ത്തിയാക്കിയത്. മകള്‍ മീനാക്ഷിയുടെയോ, സ്വത്തു വകകളില്‍ മേലുളള അവകാശമോ മഞ്ജു വാര്യര്‍ ഉന്നയിച്ചിരുന്നില്ല. മീനാക്ഷി ദിലീപിന്‍്റെ പക്കല്‍ സുരക്ഷിതയായിരിക്കുമെന്ന് ഉറപ്പുണ്ടെന്ന് മഞ്ജു വാര്യര്‍ വ്യക്തമാക്കിയിരുന്നു. മഞ്ജു നല്ല സുഹൃത്തുക്കളാണെന്നും തന്‍്റെ കുഞ്ഞിന്‍്റെ അമ്മയാണെന്നും ദിലീപും പ്രതികരിച്ചിരുന്നു. കഴിഞ്ഞ ജൂലൈ 24 നാണ് വിവാഹമോചനംആവശ്യപ്പെട്ട് ഇരുവരും കോടതിയെ സമീപിച്ചത്. അന്നുതന്നെ കോടതി ഇരുവര്‍ക്കും കൗണ്‍സിലിങ് നല്‍കിയിരുന്നു. കേസ് നടപടികള്‍ രഹസ്യമായിരിക്കണമെന്നും മാധ്യമങ്ങള്‍ക്ക് വിവരങ്ങള്‍ നല്‍കരുതെന്നും ദിലീപ് ആവശ്യപ്പെട്ടിരുന്നു.

ഉദ്ഘാടനത്തിന് വിളിക്കാതെ അപമാനിച്ചുവെന്ന് വിഎസ്

ദേശീയ ഗെയിംസ് ഉദ്ഘാടനത്തിന് വിളിക്കാതെ അപമാനിച്ചെന്ന് പ്രതിപക്ഷനേതാവ് വിഎസ് അച്യുതാനന്ദന്‍ . മന്ത്രി തിരുവഞ്ചൂര്‍ രാധാകൃഷ്ണന്‍ വിഎസ്സിനെ ഫോണില്‍ വിളിച്ചു . പങ്കെടുക്കില്ലെന്ന് വിഎസ് തിരുവഞ്ചൂരിനോട് വ്യക്തമാക്കി. മാധ്യമങ്ങള്‍ക്ക് നല്‍കിയ പരസ്യത്തില്‍ നിന്നും വി.എസിന്റെ ചിത്രം നീക്കിയതായി വിവാദമുണ്ടായിരുന്നു. അതിനിടെ ഉദ്ഘാടന ചടങ്ങിലെത്താനുള്ള പാസുകള്‍ പൂഴ്ത്തിയതായുള്‍പ്പടെയുള്ള ആരോപണങ്ങള്‍ മുന്‍ കായികമന്ത്രി പന്തളം സുധാകരനും ഉന്നയിച്ചു.

മോദിയുടെ ഭാര്യയെക്കുറിച്ച്‌ വാര്‍ത്ത: അഹമ്മദാബാദിലെ ദൂര്‍ദര്‍ശന്‍ ഉദ്യോഗസ്ഥന് അന്തമാനിലേക്ക് സ്ഥലം മാറ്റം

 

ദില്ലി: പ്രധാനമന്ത്രി നരേന്ദ്ര മോദിയുടെ ഭാര്യ യശോദ ബെന്നിനെ കുറിച്ച്‌ ഗുജറാത്ത് ദൂരദര്‍ശനില്‍ വാര്‍ത്ത സംപ്രേഷണം ചെയ്തതിന് പിന്നാലെ ആ ദിവസം വാര്‍ത്താ സംപ്രേഷണത്തിന്റെ ചുമതലയുണ്ടായിരുന്ന ദൂര്‍ദര്‍ശന്‍ ഉദ്യോഗസ്ഥന് സ്ഥലം മാറ്റം. അഹമ്മദാബാദ് നിലയത്തിലെ അസി. ഡയരക്ടര്‍ വി.എം വനോലിനെയാണ് അന്തമാന്‍ ദ്വീപിലേക്ക് സ്ഥലം മാറ്റിയരത്. ജനുവരി ഒന്നിന് ഡിഡി ഗിര്‍നറില്‍ സംപ്രേഷണം ചെയ്ത വാര്‍ത്തയുമായി ബന്ധപ്പെട്ടാണ് സ്ഥലം മാറ്റമെന്നാണ് സൂചന. വാര്‍ത്ത പുറത്തുവന്ന് രണ്ടാഴ്ചക്കുള്ളിലാണ് ഇദ്ദേഹത്തെ സ്ഥലം മാറ്റിയത്. 58കാരനായ വനോല്‍ അടുത്ത വര്‍ഷം വിരമിക്കാനിരിക്കെയാണ് സ്ഥലം മാറ്റം. പ്രധാനമന്ത്രിയുടെ ഭാര്യ എന്ന നിലയില്‍ എന്തൊക്കെ സുരക്ഷാ സജ്ജീകരണങ്ങളാണ് ഒരുക്കിയതെന്ന് ആരാഞ്ഞ് യശോദാ ബെന്‍ ഗുജറാത്ത് പൊലീസിന് വിവരാവകാശ നിയമപ്രകാരം അപേക്ഷ നല്‍കിയിരുന്നു. ദേശീയ മാധ്യമങ്ങളില്‍ ഇത് വലിയ വാര്‍ത്തയായിരുന്നു. ഇതിനെകുറിച്ചാണ് രണ്ട് മിനിറ്റുള്ള വാര്‍ത്ത ദൂര്‍ദര്‍ശന്‍ സംപ്രേഷണം ചെയ്തത്. എന്നാല്‍, സ്ഥലം മാറ്റം എഡിറ്റോറിയല്‍ നയത്തിന്റെ ഭാഗം മാത്രമാണ് എന്നും ഏതെങ്കിലും വാര്‍ത്തയുമായി ഇതിന് ബന്ധമില്ലെന്നും ദൂര്‍ദര്‍ശന്‍അധികൃതര്‍ അറിയിച്ചു. തന്നെ പോര്‍ട്ബ്ലയറിലേക്ക് സ്ഥലം മാറ്റിയ വിവരം വനോല്‍ സ്ഥിരീകരിച്ചു. എന്നാല്‍, എന്താണ് ഇതിന് കാരണമായതെന്ന് വിശദീകരിക്കാന്‍ അദ്ദേഹം തയ്യാറായില്ല. യശോദബെന്നിനെ കുറിച്ചുള്ള വാര്‍ത്ത സംപ്രേഷണം ചെയ്തതിനു പിറ്റേന്ന് കേന്ദ്ര വാര്‍ത്താ വിനിമയ മന്ത്രാലയം അഹമ്മദാബാദ് ദൂര്‍ദര്‍ശന്‍ കേന്ദ്രത്തിലെ ബന്ധപ്പെട്ട ഉദ്യോഗസ്ഥരോട് വിശദീകരണം ചോദിച്ചിരുന്നു. അന്നത്തെ വാര്‍ത്താ സംപ്രേഷണത്തിന്റെ ചുമതലയുണ്ടായിരുന്ന വനോല്‍ അടക്കം നാല് പേരോടാണ് വിശദീകരണം ചോദിച്ചത്. എന്നാല്‍, അതൊരു സാധാരണ കാര്യം മാത്രമായിരുന്നു എന്നും ഏതെങ്കിലും പ്രത്യേക വാര്‍ത്തയുമായി ബന്ധപ്പെട്ടായിരുന്നില്ല എന്നുമാണ് കേന്ദ്ര വാര്‍ത്താ വിതരണ മന്ത്രാലയ വൃത്തങ്ങള്‍ പറയുന്നത്.

മഹാരാജാസ് കോളജ് ഹോസ്റ്റലില്‍ പോലീസ് റെയ്ഡ്

കൊച്ചി: എറണാകുളം മഹാരാജാസ് കോളജ് ഹോസ്റ്റലില്‍ പോലീസ് റെയ്ഡ്. മാവോയിസ്റ്റുകള്‍ ഒളിച്ചിരിക്കുന്നുവെന്ന രഹസ്യവിവരത്തെത്തുടര്‍ന്നായിരുന്നു റെയ്ഡ്. റെയ്ഡിന്റെ വിശദാംശങ്ങള്‍ പോലീസ് പുറത്തുവിട്ടിട്ടില്ല.

ഗെറ്റ്, സെറ്റ്, പ്ലേ...ദേശീയ ഗെയിംസിന് തിരി തെളിഞ്ഞു

 

തിരുവനന്തപുരം: കായികഭാരതം രണ്ടാഴ്ചക്കാലത്തേക്ക് ഇനി ദൈവത്തിന്റെ സ്വന്തം നാട്ടില്‍. മുപ്പത്തിയഞ്ചാമത് ദേശീയ ഗെയിംസിന് കാര്യവട്ടം ഗ്രീന്‍ ഫീല്‍ഡ് സ്റ്റേഡിയത്തില്‍ തിരിതെളിഞ്ഞു. ഒളിംപ്യന്‍മാരും അര്‍ജുന, ദ്രോണാചാര്യ അവാര്‍ഡ് ജേതാക്കളും പങ്കെടുത്ത ദീപശിഖാ പ്രയാണത്തിനൊടുവില്‍ കെ.എം.ബീനാമോളില്‍ നിന്ന് ദീപശിഖ സ്വീകരിച്ച സച്ചിന്‍ ടെന്‍ഡുല്‍ക്കര്‍ അത് ഒളിമ്ബ്യന്മാരായ പി ടി ഉഷയ്ക്കും അഞ്ജു ബോബി ജോര്‍ജ്ജിനും കൈമാറി. കായിക കേരളത്തെയും കാര്യവട്ടം ഗ്രീന്‍ ഫീല്‍ഡ് സ്റ്റേഡിയത്തില്‍ തടിച്ചുകൂടിയ പതിനായിരങ്ങളെയും സാക്ഷി നിര്‍ത്തി ഇരുവരും ചേര്‍ന്ന് കായികോത്സവത്തിന് തിരി തെളിച്ചു. ഇനിയുള്ള 14 ദിനങ്ങള്‍ കായികഭാരതത്തിന്റെ കണ്ണും കാതും കേരളത്തിലേക്കായിരിക്കും. ഗെയിംസിന് തിരി തെളിയുന്നതിന് മുന്നോടിയായി താരങ്ങളുടെ വര്‍ണാഭമായ മാര്‍ച്ച്‌ പാസ്റ്റ് നടന്നു. കഴിഞ്ഞ ഗെയിംസിന്റെ ആതിഥേയരായ ജാര്‍ഖണ്ഡാണ് മാര്‍ച്ച്‌ പാസ്റ്റില്‍ ആദ്യം അണിനിരന്നത്. ഏറ്റവും ഒടുവിലായി 744 അംഗസംഘവുമായി കേരളവും മാര്‍ച്ച്‌ പാസറ്റില്‍ പങ്കെടുത്തു. ഒളിംപ്യന്‍ പ്രീജാ ശ്രീധരനാണ് കേരളാ സംഘത്തെ നയിച്ചത്. ഉദ്ഘാടന ചടങ്ങില്‍ പങ്കെടുക്കാനായിഗെയിംസിന്റെ ഗുഡ്‌വില്‍ അംബാസഡറായ സച്ചിന്‍ ടെന്‍ഡുല്‍ക്കര്‍ മുഖ്യമന്ത്രി ഉമ്മന്‍ ചാണ്ടി, കേന്ദ്ര മന്ത്രി വെങ്കയ്യ നായിഡും കേന്ദ്ര കായിക മന്ത്രി സര്‍ബാനന്ദ സോനോവാള്‍, മന്ത്രി തിരുവഞ്ചൂര്‍ രാധാകൃഷ്ണന്‍, ഇന്ത്യന്‍ ഒളിംപിക് അസോസിയേഷന്‍ പ്രസിഡന്റ് എന്‍. രാമചന്ദ്രന്‍, തുടങ്ങിയവര്‍ ഉദ്ഘാടന ചടങ്ങില്‍ പങ്കെടുത്തു. വര്‍ണാഭമായ ചടങ്ങുകളാണ് ഗെയിംസിന്റെ ഉദ്ഘാടനചടങ്ങിനോടനുബന്ധിച്ച്‌ സംഘടിപ്പിച്ചിരിക്കുന്നത്. മോഹന്‍ലാലിന്റെ മ്യൂസിക് ബാന്‍ഡായ ലാലിസം ബാന്‍ഡിന്റെ പ്രഥമ പ്രകടനത്തിനും ഗ്രീന്‍ഫീല്‍ഡ് സ്റ്റേഡിയം സാക്ഷിയാവും.

'പീഡനം മറന്നേക്കൂ, 41,000 രൂപ വാങ്ങൂ': യുവതിയോട് പഞ്ചായത്ത്

പാട്‌ന: പീഡനത്തിനെതിരെ പരാതി കൊടുക്കരുതെന്ന് ദളിത് യുവതിക്ക് പഞ്ചായത്ത് നല്‍കിയ നിര്‍ദ്ദേശവും നഷ്ടപരിഹാരമായി 41,000 രൂപ യുവതിക്ക് നല്‍കണമെന്ന് പ്രതിക്ക് നല്‍കിയ നിര്‍ദ്ദേശവും വിവാദമാകുന്നു. ബിഹാറിലെ കതിഹാര്‍ ജില്ലയിലെ കോധ പോലീസ് സ്‌റ്റേഷന്‍ അതിര്‍ത്തിയിലാണ് സംഭവം. പരാതിയുമായി പഞ്ചായത്തിനെ സമീപിച്ച യുവതിക്കാണ് ഈ നിര്‍ദ്ദേശം ലഭിച്ചത്. എന്നാല്‍, പീഡനത്തിനിരയായ ദളിത് യുവതിക്ക് നഷ്ടപരിഹാരം നല്‍കില്ലെന്ന് പ്രതി വ്യക്തമാക്കി. ഇതിനെതിരെ വീണ്ടും പഞ്ചായത്തില്‍ യുവതി പരാതിപ്പെട്ടെങ്കിലും നിരാശയായിരുന്നു ഫലം. ഇതറിഞ്ഞ പ്രതി മറ്റൊരാള്‍ക്കൊപ്പം യുവതിയുടെ ഭര്‍ത്താവിനെ ആക്രമിച്ച്‌ പൊള്ളലേല്‍പ്പിച്ചു. ഭര്‍ത്താവ് ഗുരുതരാവസ്ഥയില്‍ ആസ്പത്രിയിലാണ്. പ്രതിയുടെ സഹായി പോലീസിന്റെ പിടിയിലായി. പ്രതി ഒളിവിലാണ്. പോലീസ് കേസെടുത്ത് അന്വേഷണം ആരംഭിച്ചു. പഞ്ചായത്തംഗങ്ങള്‍ക്ക് എതിരെ നടപടി എടുക്കണമെന്ന് ആവശ്യപ്പെട്ട് പലസംഘടനകളും രംഗത്തെത്തിയിട്ടുണ്ട്.