ഫെയ്‌സ്ബുക്കിന് വര്‍ഷത്തില്‍ ഒരു ദിവസം അവധി നല്‍കണമെന്ന് ആവശ്യം

 

വാഷിംഗ്ടണ്‍: ഫെയ്‌സ്ബുക്കിന് വര്‍ഷത്തില്‍ ഒരു ദിവസം അവധി നല്‍കണമെന്ന് ആവശ്യം. പുതുവര്‍ഷത്തില്‍ വെബ്‌സൈറ്റ് കൂടുതല്‍ മെച്ചപ്പെട്ടതാക്കാനായി ഉപഭോക്താക്കളില്‍ നിന്നും ലഭിച്ച നിര്‍ദ്ദേശങ്ങളിലാണ് ഈ ആവശ്യമുള്ളത്. യഥാര്‍ത്ഥ ജീവിതത്തില്‍ പുതിയൊരു വ്യക്തിയെ കണ്ടെത്താനും സൗഹൃദം പങ്കിടാനും ആളുകളെ പ്രേരിപ്പിക്കുന്നതിനായി 24 മണിക്കൂര്‍ നേരത്തേക്ക് ഫെയ്‌സ്ബുക്ക് സെറ്റ് അടക്കണമെന്നാണ് ആവശ്യം. ഭൂരിഭാഗം നിര്‍ദ്ദേശങ്ങള്‍ക്കും മറുപടി നല്‍കിയ ഫെയ്‌സ്ബുക്ക് സ്ഥാപകന്‍ മാര്‍ക്ക് സുക്കര്‍ബര്‍ഗ് ആ ആവശ്യത്തോട് ഇതുവരെ പ്രതികരിച്ചിട്ടില്ല. കാന്‍ഡി ക്രഷ് സാഗ ഉള്‍പ്പെടെയുള്ള ഗെയിംസ് റിക്വസ്റ്റുകള്‍ അവസാനിപ്പിക്കണമെന്നാണ് കൂടുതല്‍ ഉപഭോക്താക്കളും മുന്നോട്ടുവെച്ച മറ്റൊരു നിര്‍ദ്ദേശം

തമിഴില്‍ അഭിനയിക്കാന്‍ മഞ്ജുവിന് സൂര്യയുടെ ക്ഷണം

 

ചെന്നൈ:മലയാളത്തില്‍ മാത്രം ഒതുങ്ങി നിന്ന മഞ്ജുവാര്യര്‍ ഭാഷയുടെ അതിര്‍വരമ്ബുകള്‍ ഭേദിക്കുന്നു. ഇനി തമിഴ് സംസാരിക്കുന്ന മഞ്ജുവിനെ പ്രേക്ഷകര്‍ക്ക് കാണാം. തമിഴകത്തെ സൂപ്പര്‍ താരം സൂര്യയാണ് മഞ്ജുവിനെ തന്റെ പുതിയ ചിത്രത്തില്‍ അഭിനയിക്കാന്‍ ക്ഷണിച്ചത്. മഞ്ജുവിനെക്കുറിച്ച്‌ നേരത്തേ അറിയാമെങ്കിലും മഞ്ജുവിന്റെ തിരിച്ചുവരവ് ചിത്രമായ 'ഹൗ ഓള്‍ഡ് ആര്‍ യു' കണ്ടതിന് ശേഷമാണ് സൂര്യയ്ക്ക് ഇങ്ങനെയൊരു ആശയമുണ്ടായത്. ഉടന്‍ തന്നെ മഞ്ജുവിനെ വിളിച്ച്‌ തമിഴില്‍ അഭിനയിക്കാന്‍ താത്പര്യമുണ്ടോയെന്ന് അന്വേഷിച്ചു. മഞ്ജു സമ്മതിച്ചതോടെ പിന്നെയെല്ലാം വേഗത്തിലായി. ഇതാദ്യമാണ് മഞ്ജു തമിഴില്‍ അഭിനയിക്കുന്നത്.ആഗസ്റ്റില്‍ ഷൂട്ടിംഗ് ആരംഭിക്കാനാണ് തീരുമാനം. സെപ്തംബറില്‍ 'രണ്ടാമൂഴ'ത്തില്‍ മഞ്ജു അഭിനയിക്കും. സൂര്യയുടെ നായികയായല്ല മഞ്ജു എത്തുക. എന്നാല്‍ അതിശക്തമായ കഥാപാത്രമാണ് മഞ്ജുവിന് തമിഴില്‍ കാത്തിരിക്കുന്നത്.ഈ സിനിമയുടെ സംവിധായകനായി മുരുഗദോസിന്റെ പേരാണ് ഇപ്പോള്‍ ഉയര്‍ന്നു കേള്‍ക്കുന്നത്. സിനിമയെ കുറിച്ചുള്ള എല്ലാ വിവരവും അതീവരഹസ്യമായാണ് സൂക്ഷിക്കുന്നത്. വിഷുവിനുശേഷം ഔദ്യോഗികമായി പ്രഖ്യാപിച്ചേക്കും. അതേസമയംവെങ്കിട്പ്രഭു സംവിധാനം ചെയ്യുന്ന സൂര്യയുടെ മാസ് എന്ന സിനിമ ഉടന്‍ തിയേറ്ററില്‍ എത്തും. നയന്‍താരയാണ് നായിക. ജയറാം, സമുദ്രകനി, പാര്‍ത്ഥിപന്‍, റിയാസ്ഖാന്‍, പ്രേംജി അമരന്‍ ഉള്‍പ്പെടെ വന്‍താരനരിതന്നെയുണ്ട്. സൂര്യമഞ്ജുവാര്യര്‍ സിനിമയിലും വന്‍താരനിരയുണ്ട്.പതിന്നാലു വര്‍ഷത്തെ ഇടവേളയ്ക്കുശേഷം ഹൗ ഓള്‍ഡ് ആര്‍ യുവിലൂടെയാണ് മഞ്ജുവാര്യര്‍ അഭിനയരംഗത്തേക്ക് എത്തിയത്. ഈ സിനിമയുടെ തമിഴ്പതിപ്പ് ഇപ്പോള്‍ ഒരുങ്ങുകയാണ്. മഞ്ജു വാര്യര്‍ അവതരിപ്പിച്ച കഥാപാത്രമായി തമിഴില്‍ സൂര്യയുടെ ഭാര്യ ജ്യോതികയാണ് എത്തുക. തെലുങ്ക് പതിപ്പിലും ജ്യോതികയാണ് നായിക. സത്യന്‍ അന്തിക്കാടിന്റെ മോഹന്‍ലാല്‍ സിനിമയിലാണ് മഞ്ജു ഇപ്പോള്‍ അഭിനയിക്കുന്നത്. ഇനിയും പേരിടാത്ത ഈ സിനിമ വിഷുവിന് തിയേറ്ററില്‍ എത്തും.

സൗദി അറേബ്യ പിടിച്ചടക്കുമെന്ന് ഐഎസ് ഭീഷണി

 

വാഷിംഗ്ടണ്‍: സൗദി അറേബ്യയെ ആക്രമിച്ച്‌ കീഴ്‌പ്പെടുത്തുമെന്ന് ഇസ്ലാമിക് സ്റ്റേറ്റ് തീവ്രവാദികളുടെ ഭീഷണി. ഇത് സംബന്ധിച്ച്‌ പറയുന്ന വീഡിയോ ഇസ്ലാമിക് സ്‌റ്റേറ്റ് തീവ്രവാദികള്‍ പുറത്തുവിട്ടു. ഇറാഖിലും സിറിയയിലുമുള്ള സൗദി സ്വദേശികളായ ഐഎസ് തീവ്രവാദികളാണ് വീഡിയോ പുറത്തുവിട്ടതെന്ന് റിപ്പോര്‍ട്ടുകള്‍ പറയുന്നു. സംഘടനയോട് അനുഭാവമുള്ള സൗദി സ്വദേശികളോട് രാജ്യത്തിനകത്തുനിന്ന് യുദ്ധം ചെയ്യാനും തീവ്രവാദികള്‍ ആഹ്വാനം ചെയ്യുന്നു. മിഡില്‍ ഈസ്റ്റിലെ സമ്ബന്ന രാഷ്ട്രമായ സൗദി അറേബ്യ പിടിച്ചടക്കാനുള്ള ഐഎസ് തീവ്രവാദികളുടെ ആഗ്രഹമാണ് ഭീഷണിയിലൂടെ പ്രകടമാകുന്നതെന്ന് വിദഗ്ദ്ധര്‍ പറയുന്നു.

പൊതുമാപ്പ്: സൗദിയില്‍ പ്രവാസികള്‍ക്കും ആഹ്ലാദം

 

റിയാദ്: സൗദി അറേബ്യയില്‍ പുതിയ ഭരണാധികാരി സല്‍മാന്‍ രാജകുമാരന്റെ പ്രഖ്യാപനങ്ങള്‍ പ്രവാസികള്‍ക്കും ഏറെ ആഹ്ലാദം പകരുന്നു. സ്വദേശികള്‍ക്കും വിദേശികള്‍ക്കും പൊതുമാപ്പ് പ്രഖ്യാപിച്ചത് മലയാളികളടക്കം സൗദിയിലെ ജയിലില്‍ കഴിയുന്ന നിരവധി പേര്‍ക്ക് പ്രയോജനപ്പെടും. തടവുകാരുടെ മേലുള്ള അഞ്ചുലക്ഷം റിയാല്‍ വരെയുള്ള പിഴകള്‍ ഒഴിവാക്കി നല്‍കാനും സാമ്ബത്തിക ബാധ്യതകളുടെ പേരില്‍ ജയിലുകളില്‍ കഴിയുന്നവരുടെ ബാധ്യതകള്‍ വ്യവസ്ഥകള്‍ക്ക് വിധേയമായി വീട്ടാനുമാണ് രാജകല്‍പന. പൊതുമാപ്പ് നടപ്പാക്കുന്നതോടെ നിരവധി തടവുകാര്‍ മോചിതരാകും. പൊതുമാപ്പില്‍ വിട്ടയക്കുന്ന വിദേശികളെ ഉടന്‍ നാടുകടത്തും. അതേസമയം മുമ്ബ് ഒരിക്കല്‍ പൊതുമാപ്പിലൂടെ മോചിതരായി വീണ്ടും കടക്കെണിയില്‍ കുടുങ്ങി ജയിലിലായവര്‍ക്ക് പൊതുമാപ്പിന്റെ ആനുകൂല്യം ലഭ്യമാവില്ല. പൊതുമാപ്പ് ഊര്‍ജ്ജിതമായി നടപ്പാക്കി തടവുകാരെ മോചിപ്പിക്കാന്‍ സത്വരനടപടികള്‍ സ്വീകരിക്കുമെന്ന് സൗദി ജയില്‍ വകുപ്പ് മേധാവി മേജര്‍ ജനറല്‍ ഇബ്രാഹിം അല്‍ഹംസി വ്യക്തമാക്കി. തീര്‍ത്തും ജനപ്രിയമായ പ്രഖ്യാപനങ്ങളാണ് സല്‍മാന്‍രാജാവ് നടത്തിയിരിക്കുന്നത്. സര്‍ക്കാല്‍ ജീവനക്കാര്‍ക്കുംസ്‌റ്റൈപ്പന്റും ധനസഹായവും അധികമായി നല്‍കാനും പ്രഖ്യാപിച്ചിട്ടുണ്ട്. രാജ്യത്ത് രജിസ്റ്റര്‍ ചെയ്ത മുഴുവന്‍ സാഹിത്യക്ലബ്ബുകള്‍ക്കും ഒരു കോടി റിയാല്‍ വീതം സഹായം നല്‍കും. സ്‌പോര്‍ട്‌സ് ക്ലബ്ബുകള്‍ക്കും വന്‍ ധനസഹായങ്ങളാണ് പ്രഖ്യാപിച്ചിട്ടുള്ളത്. പുതിയ രാജകല്‍പനകളില്‍ സൗദിയിലെ വിദേശികളും സ്വദേശികളും ഒരു പോലെ സന്തുഷ്ടരാണെന്നാണ് പൊതുവെയുള്ള വിലയിരുത്തല്‍ സോഷ്യല്‍ മീഡിയ നെറ്റ്വര്‍ക്കിംഗ് സൈറ്റുകളില്‍ രാജകല്‍പനകളെ അനുകൂലിച്ച്‌ ലക്ഷക്കണക്കിന് പ്രതികരണങ്ങളാണ് ഉണ്ടായത്. പുതിയ പ്രഖ്യാപനങ്ങളില്‍ ആഹ്ലാദം പ്രകടിപ്പിച്ച്‌ തെരുവുകളില്‍ നിരവധി പേര്‍ തെരുവുകളിലിറങ്ങി.

'ബോളിവുഡ് സ്റ്റൈലില്‍' സ്ത്രീകളെ പിന്തുടര്‍ന്ന ഇന്ത്യക്കാരനെ വെറുതെ വിട്ടു

 

മെല്‍ബണ്‍: ബോളിവുഡ് സിനിമകളുടെ 'പ്രചോദനത്തില്‍' ഇഷ്ടം പിടിക്കാന്‍ രണ്ട് യുവതികളുടെ പിറകെ നടന്ന് ശല്യപ്പെടുത്തിയ ഇന്ത്യക്കാരനെ കോടതി വെറുതെവിട്ടു. സന്ദേശ് ബലിഗ എന്ന യുവാവിനെയാണ് അദ്ദേഹത്തിന്‍െറ സാംസ്കാരിക പശ്ചാത്തലം കണക്കിലെടുത്ത് ഹൊബാര്‍ട്ട് മജിസ്ട്രേറ്റ് വെറുതെവിട്ടത്. ബോളിവുഡ് സിനിമകളുടെ തെറ്റായ സ്വാധീനത്തിലാണ് യുവതികളെ പിന്തുടര്‍ന്നതെന്ന ബലിഗയുടെ വാദമാണ് കോടതി അംഗീകരിച്ചത്. 2012-13 വര്‍ഷങ്ങളില്‍ ബലിഗ ഒരു യുവതിയെ 18 മാസവും മറ്റൊരു യുവതിയെ നാലുമാസവും പിന്തുടര്‍ന്നിരുന്നു. തുടര്‍ച്ചയായി പിറകെ നടക്കുകയും അഭ്യര്‍ഥന നടത്തുകയും ചെയ്താല്‍ ക്രമേണ യുവതിയുടെ പ്രണയം സ്വന്തമാക്കാന്‍ കഴിയുമെന്ന ചിന്ത ഹിന്ദി സിനിമകളില്‍നിന്നാണ് തനിക്ക് ലഭിച്ചതെന്ന് ബലിഗ കോടതിയില്‍ പറഞ്ഞു. ഒരു ഇന്ത്യന്‍ യുവാവിനെ സംബന്ധിച്ച്‌ തികച്ചും സാധാരണമായ ഒരു പ്രവൃത്തിയാണ് താന്‍ നടത്തുന്നതെന്നും അത് ക്രിമിനല്‍ കുറ്റമായി കണക്കാക്കപ്പെടുമെന്ന് ബലിഗ കരുതിയിരുന്നില്ളെന്നും അദ്ദേഹത്തിന്‍െറ അഭിഭാഷകന്‍ ഗ്രെഗ് ബാണ്‍സ് വാദിച്ചു. അടുത്ത അഞ്ചുവര്‍ഷത്തേക്ക് നല്ലനടപ്പിന്‍െറ നിബന്ധന വെച്ചാണ് മജിസ്ട്രേറ്റ് മൈക്കല്‍ ഹില്‍ബലിഗയെ വെറുതെവിടാന്‍ തീരുമാനിച്ചത്. യുവാവ് സ്വയം കുറ്റമേറ്റതും വിധി അനുകൂലമാകുന്നതില്‍ നിര്‍ണായകമായി. മൂന്നുവര്‍ഷം മുമ്ബ് അക്കൗണ്ടിങ്ങ് വിദ്യാര്‍ഥിയായാണ് ബലിഗ ആസ്ട്രേലിയയില്‍ എത്തിയത്.

ഫെയര്‍ മീറ്ററിനൊപ്പം ടിക്കറ്റ് പ്രിന്‍ററും; മുജീബിന്‍െറ ഓട്ടോക്ക് പുതിയ വഴി

 

മഞ്ചേരി: ടിക്കറ്റ് സംവിധാനം ഓട്ടോറിക്ഷയില്‍ പ്രായോഗികമാണെന്ന് സ്ഥാപിക്കുകയാണ് മഞ്ചേരിയിലെ ഓട്ടോ ഡ്രൈവറും മലപ്പുറം ജില്ലാ വിവരാവകാശ കൂട്ടായ്മ ട്രഷററുമായ മുജീബ്റഹ്മാന്‍ പത്തിരിയാല്‍. ഫെയര്‍ മീറ്ററും ടിക്കറ്റ് പ്രിന്‍ററും ഓട്ടോയില്‍ സ്ഥാപിച്ച്‌ ഇത് നിയമാനുസൃതമാണെന്ന് ലീഗല്‍ മെട്രോളജി വകുപ്പിനെ ബോധ്യപ്പെടുത്തുക കൂടി ചെയ്തിട്ടുണ്ട് മുജീബ്. സാധാരണ ഉപയോഗിക്കുന്ന ഫെയര്‍ മീറ്റര്‍ തന്നെയാണ് മുജീബ് റഹ്മാന്‍െറ ഓട്ടോറിക്ഷയിലും. ഇത് നിര്‍മിക്കുന്ന കമ്ബനിയുമായി ബന്ധപ്പെട്ട് യാത്രക്കാരന് അറിയേണ്ട മുഴുവന്‍ വിവരങ്ങളും ചേര്‍ത്ത് അനുബന്ധ പ്രിന്‍ററും ഘടിപ്പിച്ചിരിക്കുകയാണ്. വാഹന നമ്ബര്‍, യാത്ര തുടങ്ങിയ സമയം, അവസാനിച്ച സമയം, ദൂരം, വെയിറ്റിങ് സമയം, മീറ്റര്‍ ഫെയര്‍, അഡീഷനല്‍ ചാര്‍ജ്, ആകെ ചാര്‍ജ് തുടങ്ങിയ വിവരങ്ങള്‍ ചേര്‍ത്ത ടിക്കറ്റാണ് യാത്രയുടെ അവസാനം ലഭിക്കുക. പൂര്‍ണമായും സുതാര്യം. യാത്രാനിരക്ക് രേഖപ്പെടുത്തി ടിക്കറ്റ് പ്രിന്‍റ് എടുക്കാനുള്ള ലളിത സംവിധാനം നടപ്പാക്കിയാല്‍ ഓട്ടോ സര്‍വീസിന്‍െറ പേരില്‍ ചൂഷണമോ തര്‍ക്കമോ ഉണ്ടാവില്ളെന്ന് മുജീബ് റഹ്മാന്‍ പറയുന്നു. പണം മുടക്കി യാത്രചെയ്യുന്നയാള്‍ക്ക് എത്ര ദൂരം യാത്ര ചെയ്തെന്നും നിയമാനുസൃതം ഇതിന്‍െറ ചാര്‍ജ് എത്രയാണെന്നും അറിയാന്‍ അവകാശമുണ്ട്. ഓട്ടോറിക്ഷകളില്‍ മീറ്റര്‍ ഘടിപ്പിക്കാതെയും മീറ്ററുണ്ടെങ്കില്‍ പ്രവര്‍ത്തിപ്പിക്കാതെയും യാത്രക്കാരെ ചൂഷണം ചെയ്യുന്ന സ്ഥിതിയുണ്ട്. ഓടിയ ദൂരത്തിന് കൃത്യമായി പണം കിട്ടാതെ ഓട്ടോറിക്ഷക്കാര്‍ മടങ്ങേണ്ട സാഹചര്യമുണ്ടാവാറുണ്ട്. തര്‍ക്കത്തിന് ഇടയില്ലാതെ മുഴുവന്‍ വിവരങ്ങളും ടിക്കറ്റില്‍ പ്രിന്‍റ് ചെയ്താല്‍ ആധികാരിക രേഖയായിരിക്കുമെന്നും അധികം പണച്ചെലവില്ലാതെ ഇത് നടപ്പാക്കാമെന്നും മുജീബ് റഹ്മാന്‍ ചൂണ്ടിക്കാണിക്കുന്നു. മലപ്പുറം ജില്ലാ ലീഗല്‍ മെട്രോളജി അസിസ്റ്റന്‍റ് കണ്‍ട്രോളര്‍ സുഷമനെ ഓട്ടോയില്‍ കയറ്റി അല്‍പദൂരം ഓടി ടിക്കറ്റ് മുറിച്ച്‌ കൊടുത്താണ് മുജീബ് റഹ്മാന്‍ ചോദിച്ചത് എന്തുകൊണ്ട് ഇത് നടപ്പാക്കിക്കൂടെന്ന്. നേരത്തെ ഓട്ടോറിക്ഷകളില്‍ മീറ്റര്‍ ഘടിപ്പിക്കാത്ത വിഷയത്തില്‍ അന്യായമായി ഓട്ടോ ഡ്രൈവര്‍മാരില്‍നിന്ന് സര്‍ക്കാര്‍ പണം പിരിച്ചത് തിരിച്ചു കൊടുക്കാതായതോടെ നിയമയുദ്ധം നടത്തി ചീഫ് സെക്രട്ടറിക്ക് വക്കീല്‍ നോട്ടീസയച്ച്‌ സര്‍ക്കാര്‍ നടപടി തെറ്റാണെന്ന് ബോധ്യപ്പെടുത്തിയയാളാണ് മുജീബ് റഹ്മാന്‍. വിവരാവകാശ നിയമപ്രകാരം സര്‍ക്കാര്‍ വകുപ്പുകള്‍ വര്‍ഷാവസാനം നിയമസഭയില്‍ ഓഡിറ്റ് റിപ്പോര്‍ട്ട് സമര്‍പ്പിക്കുന്നില്ളെന്നും വിവരാവകാശ കമീഷന്‍ കുറ്റകരമായ അനാസ്ഥ തുടരുകയാണെന്നുമുള്ള വിവരങ്ങള്‍ മുജീബ് റഹ്മാന്‍ പുറത്ത് കൊണ്ടുവന്നിരുന്നു. പുതിയ ഓട്ടോമീറ്റര്‍ സംവിധാനം ഗതാഗത വകുപ്പും ലീഗല്‍ മെട്രോളജി വകുപ്പും മുഖവിലക്കെടുക്കുമെന്ന പ്രതീക്ഷയിലാണ് ഈ ഓട്ടോ ഡ്രൈവര്‍.

എണ്ണവില 60 ശതമാനം കുറഞ്ഞിട്ടും വിമാനക്കമ്ബനികള്‍ ഇന്ധന സര്‍ചാര്‍ജ് ഈടാക്കുന്നു

 

മസ്കത്ത്: എണ്ണവിലയില്‍ 60 ശതമാനം കുറവുണ്ടായിട്ടും വിമാനക്കമ്ബനികള്‍ ഇന്ധന സര്‍ചാര്‍ജുകള്‍ ഈടാക്കുന്നു. ആറു വര്‍ഷത്തിലെ ഏറ്റവും കുറഞ്ഞ വിലയില്‍ അസംസ്കൃത എണ്ണ എത്തിയിട്ടും ഇന്ധന സര്‍ചാര്‍ജ് ഈടാക്കുന്നത് ഒഴിവാക്കാന്‍ വിമാനക്കമ്ബനികള്‍ തയാറായിട്ടില്ല. പല ഏഷ്യന്‍ വിമാനക്കമ്ബനികളും സര്‍ചാര്‍ജ് കുറച്ചിട്ടും ഇന്ത്യന്‍ വിമാനക്കമ്ബനികള്‍ കുറക്കാന്‍ തയാറായിട്ടില്ല. ആസ്ട്രേലിയന്‍ വിമാനക്കമ്ബനിയായ കണ്ടാസ് എയര്‍വേസ് കഴിഞ്ഞ ദിവസം ഇന്ധന സര്‍ചാര്‍ജ് കുറച്ചിരുന്നു. മലേഷ്യയുടെ എയര്‍ഏഷ്യ, ഫിലിപ്പൈന്‍ എയര്‍, ഫിലിപ്പീന്‍സിന്‍െറ സെബു എയര്‍ എന്നിവയും കഴിഞ്ഞ മാസം സര്‍ചാര്‍ജ് കുറച്ചിരുന്നു. ചൈന എയര്‍ലൈന്‍സ്, ഇവ എയര്‍ലൈന്‍സ് എന്നിവ അടുത്തിടെ ഇന്ധന ചാര്‍ജ് 40 ശതമാനം കുറച്ചിരുന്നു. വിമാന നിരക്ക് കുറയുന്നത് വിനോദസഞ്ചാര മേഖലക്ക് അനുഗ്രഹമാവുമെന്നതിലാണ് ചില വിമാനക്കമ്ബനികള്‍ നിരക്കുകള്‍ കുറക്കുന്നത്. എന്നാല്‍ വിമാനക്കമ്ബനികള്‍ ഇന്ധന ചാര്‍ജ് കുറച്ചെങ്കിലും അത് യാത്രക്കാര്‍ക്ക് ലഭിക്കുന്നില്ളെന്ന പരാതിയും ഉയരുന്നുണ്ട്. ഇതു സംബന്ധമായ പരാതി ഉയര്‍ന്നതിനെ തുടര്‍ന്ന് ആസ്ട്രേലിയന്‍ ഉപഭോക്തൃ കമീഷന്‍ അന്വേഷണംനടത്തുന്നുണ്ട്. ഇന്ധനവില കുറഞ്ഞതോടെ വിമാനക്കമ്ബനികളുടെ മൊത്തം ലാഭം അഞ്ച് ബില്യന്‍ ഡോളറില്‍നിന്ന് 25 ബില്യന്‍ ഡോളറായി ഉയര്‍ന്നിട്ടുണ്ടെന്ന് അയാട്ട കണക്കാക്കുന്നു. എന്നാല്‍, ഒരു ബില്യന്‍ ഡോളര്‍ മുതല്‍ ഏഴു ബില്യന്‍ ഡോളര്‍ വരെ മാത്രമാണ് യാത്രക്കാര്‍ക്ക് ലഭിക്കുന്നതെന്നും കണക്കുകള്‍ സൂചിപ്പിക്കുന്നു. എണ്ണവില കുത്തനെ ഉയരാന്‍ തുടങ്ങിയതിനെ തുടര്‍ന്ന് 2004 മുതലാണ് വിമാന നിരക്കിനൊപ്പം ഇന്ധന സര്‍ചാര്‍ജ് ഏര്‍പ്പെടുത്തിയത്. 2008 ലെ പ്രതിസന്ധി കാലത്ത് എണ്ണ വില വര്‍ധന വിമാനക്കമ്ബനികള്‍ക്ക് നഷ്ടമുണ്ടാക്കിയിരുന്നു. എന്നാല്‍, എണ്ണവില കുത്തനെ കുറഞ്ഞിട്ടും ഇത് കുറക്കാത്തതാണ് യാത്രക്കാര്‍ക്ക് സാമ്ബത്തിക നഷ്ടമുണ്ടാക്കുന്നത്.ഇന്ത്യന്‍ വിമാനക്കമ്ബനികള്‍ പലതും ഇന്ധന ചാര്‍ജുകള്‍ ഈടാക്കുന്നുണ്ട്. എയര്‍ ഇന്ത്യ എക്പ്രസ് വണ്‍വേക്ക് കുറഞ്ഞ നിരക്കായി 25 റിയാലാണ് അധിക നിരക്ക് ഈടാക്കുന്നത്. വിമാനത്താവളം ഉപയോഗിക്കുന്നതിനുള്ള സേവന നികുതിയാണ് ഇതില്‍ അഞ്ച് റിയാല്‍. ബാക്കി 20 റിയാലും വൈ.ക്യു എന്ന കോഡുള്ള ഇന്ധന സര്‍ചാര്‍ജ് ഇനത്തിലാണ് ഈടാക്കുന്നത്. ഇന്ധന നിരക്കുകളും വിമാനക്കമ്ബനികളുടെ പോക്കറ്റിലേക്കു തന്നെയാണ് പോവുന്നത്. എയര്‍പോര്‍ട്ട് സേവന നിരക്ക് മാത്രമാണ് അതാത് വിമാനത്താവളങ്ങള്‍ക്ക് നല്‍കേണ്ടിവരുന്നത്. മസ്കത്തില്‍നിന്ന് കോഴിക്കോട്ടേക്ക് 43 റിയാല്‍ നിരക്ക് ഈടാക്കുമ്ബോള്‍ 25 റിയാലും നികുതിയിനത്തിലാണ് പോവുന്നത്. റിട്ടേണ്‍ ടിക്കറ്റെടുക്കുന്നവര്‍ക്ക് 17.500 റിയാലാണ് നികുതി ഈടാക്കുന്നത്. ഒമാനില്‍നിന്ന് ഇന്ത്യന്‍ സെക്ടറില്‍ സര്‍വിസ് നടത്തുന്ന മറ്റു വിമാനക്കമ്ബനികളും ഉയര്‍ന്ന ഇന്ധന നിരക്കുകള്‍ ഈടാക്കുന്നുണ്ട്. ചില വിമാനക്കമ്ബനികള്‍ നിരക്കുകള്‍ വേര്‍തിരിച്ച്‌ കാണിക്കാതെയാണ് നികുതികള്‍ ഈടാക്കുന്നത്. ഈ ഇനത്തില്‍ 31 റിയാല്‍ വരെയാണ് നിരക്കുകള്‍ ഈടാക്കുന്നത്. ഇന്‍ഷുറന്‍സ് അടക്കം ഉള്‍പ്പെടുത്തിയാണ് പല കമ്ബനികളും നിരക്ക് വസൂലാക്കുന്നത്. എന്നാല്‍, ടിക്കറ്റു നിരക്കുകളില്‍ മത്സരം വരുമ്ബോള്‍ ചില വിമാനക്കമ്ബനികള്‍ ഇന്ധന ചാര്‍ജ് കുറച്ചാണ് ഓഫറുകള്‍ നല്‍കുന്നത്. ഒമാനില്‍നിന്നുള്ള ഒരു പ്രമുഖ വിമാനക്കമ്ബനി ഇന്ധന നികുതി പകുതിയാക്കി നിരക്ക് കുറച്ചിരുന്നു. ഇത് താല്‍ക്കാലിക സംവിധാനം മാത്രമാണ്. അടുത്തിടെ തങ്ങള്‍ യാത്രക്കാര്‍ക്ക് ഇന്ത്യന്‍ സെക്ടറിലേക്ക് ഓഫറുകള്‍ പ്രഖ്യാപിച്ചിരുന്നതായി ജെറ്റ് എയര്‍വേസ് ജനറല്‍ മാനേജര്‍ റിയാസ് കുട്ടിയേരി പറഞ്ഞു. ഇന്ധന നിരക്കുകള്‍ കുറച്ചാണ് ഈ ഓഫറുകള്‍ പ്രഖ്യാപിച്ചത്. എന്നാല്‍, ഇത് താല്‍ക്കാലികമാണെന്നും ഈ ഓഫറിന് മാത്രമാണ് ബാധകമെന്നും അദ്ദേഹം പറഞ്ഞു.